Vaj për Masazh — Aromatherapy Massage Blend

Vaji ynë për masazh niset nga baza e vajit të ullirit ekstra të virgjër, të prodhuar nga ullinjtë e fermës sonë, i përzier më pas me vajra esencialë natyralë të zgjedhur për efektin e tyre qetësues dhe relaksues. Nuk përmban asnjë vaj mineral, silikon apo parfum sintetik, vetëm përbërës me origjinë bimore.

Pse përdoret
Përdoret si vaj masazhi për trupin, si vaj hidratues pas dushit, ose thjesht si pjesë e një rutine relaksimi në fund të ditës. Teksturë e lehtë, thithet lehtë nga lëkura pa lënë shtresë të rëndë apo yndyrore, dhe lëshon një aromë natyrale, jo agresive, që qëndron për një kohë të gjatë pas aplikimit.

Vetitë kryesore

• I pasur me vitaminë E dhe antioksidantë natyralë nga vaji i ullirit, që ndihmojnë në mbrojtjen e lëkurës nga stresi oksidativ i përditshëm.
• Përmban skualen dhe acide yndyrore (kryesisht oleik), përbërës që gjenden natyrshëm edhe në lëkurën e njeriut, prandaj thithen lehtësisht dhe nuk e “mbytin” lëkurën.
• Vetitë emoliente të vajit të ullirit ndihmojnë në ruajtjen e elasticitetit dhe butësisë së lëkurës, veçanërisht në zonat e thata si bërrylat, gjunjët dhe thembrat.
• Vajrat esencialë të shtuar (levande, etj.) kanë veti relaksuese dhe ndihmojnë në qetësimin e muskujve pas një dite të gjatë ose stërvitjeje.

Për cilat lëkura përdoret
I përshtatshëm për të gjitha tipet e lëkurës, përfshirë lëkurën e thatë dhe të ndjeshme, pasi nuk përmban parfume të forta apo alkool që thajnë lëkurën. Nuk rekomandohet për lëkurë shumë të yndyrshme/aknerike në sasi të mëdha, pasi çdo vaj mund ta rëndojë pak atë tip lëkure — në atë rast rekomandohet përdorim në sasi të vogla, vetëm në zonat e thata.

Pse është më i mirë se produktet komerciale me çmim më të ulët
Vajrat e masazhit që gjenden zakonisht në treg me çmim të ulët bazohen kryesisht te vaj mineral (mineral oil / paraffinum liquidum)  një nënprodukt nafte pa vlerë ushqyese për lëkurën, që krijon vetëm një shtresë sipërfaqësore mbi lëkurë, pa e ushqyer atë realisht, dhe shpesh bllokon poret. Për të krijuar aromë, ato përdorin zakonisht parfume sintetike dhe konservantë kimikë (parabene) për të zgjatur jetëgjatësinë e produktit në raftet e dyqaneve.

Vaji ynë, në krahasim:

• Bazohet te vaj ulliri i vërtetë, i prodhuar prej ullinjve tanë, jo vaj mineral apo bazë sintetike.
• Nuk përmban parabene, ngjyra artificiale apo parfume sintetike.
• Prodhohet në sasi të vogla, artizanale, që garanton freskinë dhe përqendrim më të lartë të vajrave esencialë.
• Aroma vjen natyrshëm nga vetë vajrat esencialë, jo nga një “fragrance” e krijuar në laborator.